കോന്നി : തണ്ണിതോട്ടിൽ ഭക്ഷ്യ സുരക്ഷ വിഭാഗം നടത്തിയ പരിശോധനയിൽ രാസ വസ്തുവായ ഫോർമാലിൻ കലർത്തിയ മത്സ്യം പിടിച്ചെടുത്തു നശിപ്പിച്ചു.തണ്ണിത്തോട് സെൻട്രൽ ജംഗ്ഷനിൽ നടത്തിയ പരിശോധനയിൽ 45 കിലോയോളം മത്സ്യമാണ് അധികൃതർ പിടികൂടിയത്. കേര, കിളിമീൻ, ചൂര, നെത്തോലി തുടങ്ങിയ മത്സ്യങ്ങൾ ആണ് പിടിച്ചെടുത്തത്.
തണ്ണിത്തോട് കുടുംബരോഗ്യ കേന്ദ്രത്തിൽ കഴിഞ്ഞ ഒരു മാസത്തോളമായി ഭക്ഷണത്തിൽ നിന്നും സംഭവിച്ച ശാരീരിക അസ്വസ്ഥതകളുമായി നിരവധി ആളുകളാണ് ചികിത്സ തേടിയിട്ടുള്ളത്. ഇവരിൽ നടത്തിയ പരിശോധനയിലും ഫോർമാലിന്റെ സാന്നിധ്യം കണ്ടെത്തിയിരുന്നു. കോന്നി ഫുഡ്‌ സേഫ്റ്റി ഓഫീസർ ഡോ ഇന്ദുബാലയുടെ നേതൃത്വത്തിൽ ആയിരുന്നു പരിശോധന. രണ്ട് കടകളിൽ ആയി ആണ് പരിശോധന നടന്നത്.
