ദ്വാരക : അറബിക്കടലില്‍ ഗുജറാത്ത് തീരത്ത് 50 മൈല്‍ അകലെ വെച്ച്‌ മത്സ്യബന്ധന ബോട്ടിന് തീപിടിച്ചു. ഞായറാഴ്ചയാണ് സംഭവം.
ബോട്ടിലുണ്ടായിരുന്ന ഏഴ് മത്സ്യത്തൊഴിലാളികളെ കോസ്റ്റ്ഗാര്‍ഡ് രക്ഷപ്പെടുത്തി. രക്ഷപ്പെടുത്തിയ മത്സ്യത്തൊഴിലാളികളെ ഗുജറാത്ത് തീരത്തെത്തിച്ചു. കോസ്റ്റ് ഗാര്‍ഡിന്റെ സമയോചിതമായ ഇടപെടലാണ് വന്‍ ദുരന്തം ഒഴിവാക്കിയത്.
കോസ്റ്റ്ഗാര്‍ഡ് കപ്പലായ ആരുഷിലാണ് രക്ഷാപ്രവര്‍ത്തനം നടത്തിയത്. വെള്ളിയാഴ്ചയും സമാനമായ അപകടം നടന്നിരുന്നു. അന്ന് അപകടത്തില്‍പ്പെട്ട ബോട്ടിലുണ്ടായിരുന്ന മത്സ്യത്തൊഴിലാളികളെയും കോസ്റ്റ് ഗാര്‍ഡ് ആണ് രക്ഷപ്പെടുത്തിയത്.
