തിരുവനന്തപുരം : നിയമസഭ തിരഞ്ഞെടുപ്പില് അമ്പലപ്പുഴയിലെ പ്രചാരണത്തില് വീഴ്ച വരുത്തിയ സംഭവത്തില് സിപിഎം നേതൃത്വം ജി സുധാകാരനെതിരെ അച്ചടക്ക നടപടി സ്വീകരിച്ചതില് പരിഹാസവുമായി രംഗത്ത് എത്തിയിരിക്കുകയാണ് ശ്രീജിത്ത് പണിക്കര്. സുധാകരന്റെ പൂച്ച എന്ന കവിതയുമായി ചേര്ത്തുവച്ചാണ് ശ്രീജിത്തിന്റെ പരിഹാസം.
‘കഥ: രണ്ടു പൂച്ചകള്.. പച്ചരി ബിജുവിന് രണ്ടു പൂച്ചകള് ഉണ്ടായിരുന്നു. ഒന്നുമറിയാത്ത രണ്ടു പൂച്ചകള്—ആലപ്പുഴയിലും ഇടുക്കിയിലും. ആലപ്പുഴയില് പാര്ട്ടിയിലെ ചോര്ച്ച കവിതപ്പൂച്ച അറിഞ്ഞില്ല. ഇടുക്കിയില് മരങ്ങളുടെ ചോര്ച്ച വികാരജീവിയായ പൂച്ചക്കുട്ടിയും അറിഞ്ഞില്ല. ശിഷ്ടകാലം പൂച്ചകള്ക്ക് കവിതകള് എഴുതാം. കഴുതകളുടെ ചൈതന്യം അളക്കാം. പൂജാരിമാരുടെ വസ്ത്ര പരിശോധന നടത്താം. പൂതനാമോക്ഷം കെട്ടി ആടാം. ഫോണില് സൊള്ളാം. ഹയ് ഹയ്! കഥ കഴിഞ്ഞു (പൂച്ചകളുടെ).’ -ശ്രീജിത്ത് സമൂഹമാധ്യമത്തില് കുറിച്ചു
