വിഴിഞ്ഞം : കൊറോണ നിര്ദ്ദേശങ്ങളും മാനദണ്ഡങ്ങളുമനുസരിച്ച് വിഴിഞ്ഞം തുറമുഖത്ത് മത്സ്യബന്ധനത്തിന് ഇന്നലെ തുടക്കമായി. കളക്ടര് പുറപ്പെടുവിച്ച മാര്ഗനിര്ദ്ദേശമനുസരിച്ച് വിഴിഞ്ഞം, പൊഴിയൂര്-ചൊവ്വര, പൂന്തുറ-വേളി എന്നിങ്ങനെ മൂന്നു മേഖലകളായി തിരിച്ചു ഒരോ മേഖലയിലുള്ളവര്ക്കും നിശ്ചിത ദിവസങ്ങളിലെന്ന നിലയ്ക്കാണ് കടലില് പോകാന് അനുമതി. പോകുന്നതിനു ഒരു ദിവസം മുന്പ് വള്ളങ്ങള് വിഴിഞ്ഞത്തെ ഫിഷറീസ് സ്റ്റേഷനില് രജിസ്റ്റര് ചെയ്യണം.
യാനങ്ങള്ക്ക് ഏതു സമയത്തും മത്സ്യബന്ധനത്തിനു പോകാമെങ്കിലും രാവിലെ 5 മുതല് വൈകിട്ട് അഞ്ചിനകം തിരികെ എത്തണം. എത്തിച്ചേരുന്നവ ക്യൂ പാലിക്കണം. അതതു വകുപ്പുകളുടെ നേതൃത്വത്തില് ആരോഗ്യ സുരക്ഷയുള്പ്പെടെയുള്ള അടിസ്ഥാന സൗകര്യങ്ങള് സജ്ജമാക്കണമെന്നും കളക്ടര് നിര്ദ്ദേശം നല്കിയിട്ടുണ്ട്.
