കോഴിക്കോട്: കോഴിക്കോട് യുവദമ്പതികളെ ബൈക്കിലെത്തി ആക്രമിച്ച കേസില് അഞ്ച് പേര് കസ്റ്റഡിയില്. ഇവരുടെ ബൈക്കും നടക്കാവ് പോലീസ് പിടിച്ചെടുത്തു. കഴിഞ്ഞ ദിവസം രാത്രി പത്ത് മണിയോടെയാണ് ഇരിങ്ങാടന്പള്ളി സ്വദേശി അശ്വിനും ഭാര്യയ്ക്കും നഗരമധ്യത്തില്വെച്ച് ദുരനുഭവം ഉണ്ടായത്. ബൈക്കുകളില് പിന്തുടര്ന്നെത്തിയ സംഘം ഭാര്യയെ ശല്യം ചെയ്തത് ചോദ്യം ചെയ്തതിനാണ് ഭര്ത്താവിനെ മര്ദ്ദിച്ചത്.
രണ്ടു ബൈക്കുകളിലെത്തിയാണ് ആക്രമണം നടത്തിയത്. ഭാര്യയോട് മോശമായി പെരുമാറിയത് ചോദ്യം ചെയ്ത തന്നെ അക്രമികള് മര്ദ്ദിക്കുകയായിരുന്നുവെന്ന് യുവാവ് പറഞ്ഞു. സിനിമ കണ്ടശേഷം നഗരത്തില് ഭക്ഷണം കഴിക്കാന് പോകുമ്പോഴായിരുന്നു ആക്രമണം. നഗരത്തിലെ സിസിടിവി ദൃശ്യങ്ങളടക്കം പരിശോധിച്ചാണ് പ്രതികളെ തിരിച്ചറിഞ്ഞത്.
