സോള് : ദക്ഷിണകൊറിയയില് പരിശീലന പറക്കലിനിടെയില് വിമാനങ്ങള് കൂട്ടയിടിച്ച് മൂന്ന് മരണം. ഒരാള്ക്ക് പരിക്ക്. തെക്കു കിഴക്കന് നഗരമായ സാച്ചിയോണിലെ മലയോര മേഖലയിലാണ് സംഭവം. ടി-1 എന്ന ദക്ഷിണകൊറിയന് എയര്ഫോഴ്സ് വിമാനങ്ങളാണ് ആകാശത്ത് വെച്ച് കൂട്ടിയിടിച്ചത്. മൂന്നു പൈലറ്റുമാര് അപകടത്തില് മരിച്ചു. രക്ഷപ്പെട്ടയാളുടെ നില അതീവഗുരുതരമാണെന്നാണ് റിപ്പോര്ട്ട്. അപകടസ്ഥലത്തേക്ക് മൂന്നു ഹെലികോപ്ടറുകള്, 20 വാഹനങ്ങള്, രക്ഷാപ്രവര്ത്തകര് എന്നിവരെ നിയോഗിച്ചിട്ടുണ്ട്.
