അത്തിക്കയം : വരാനിരിക്കുന്ന ഓണാഘോഷത്തിന് ആവശ്യമായ പൂക്കളുടെ കാര്യത്തിൽ സ്വയംപര്യാപ്തത കൈവരിക്കുക എന്ന ലക്ഷ്യത്തോടെ നാറാണംമൂഴി ഗ്രാമപഞ്ചായത്തും കൃഷിഭവനും സംയുക്തമായി നടപ്പിലാക്കുന്ന പൂച്ചെടി തൈ നടീൽ പദ്ധതിക്ക് തുടക്കമായി. പദ്ധതിയുടെ ഗ്രാമപഞ്ചായത്ത് തല ഉദ്ഘാടനം പ്രസിഡന്റ് സുനിൽ കുമാർ തൈ നട്ടുകൊണ്ട് നിർവഹിച്ചു. ഗ്രാമപഞ്ചായത്ത് വൈസ് പ്രസിഡന്റ് റീന ജെയിംസ് അധ്യക്ഷത വഹിച്ച ചടങ്ങിൽ സ്ഥിരം സമിതി അധ്യക്ഷ ബീന ജോബി, ജനപ്രതിനിധികളായ ഉദയൻ സി.എം, ബിജു ഇ.വി, രവി എം.കെ, മറിയാമ്മ എന്നിവരും
ശാന്തമ്മ അനിൽകുമാർ, എബ്രഹാം വർഗീസ്, തോമസ് ജോർജ്, മഞ്ജു പി, മാത്തുക്കുട്ടി എന്നിവർ പ്രസംഗിച്ചു. കൃഷി ഓഫീസർ രജസ് ആർ, ജെയ്സൺ, ബഡ്സ് സ്കൂൾ അധ്യാപകൻ രതീഷ്, സുനിൽ കിഴക്കേച്ചെരുവിൽ എന്നിവരുടെയും നേതൃത്വത്തിൽ നടന്ന ചടങ്ങിൽ കർഷകരും കുടുംബശ്രീ പ്രവർത്തകരും പങ്കെടുത്തു. ഉദ്ഘാടനത്തോടനുബന്ധിച്ച് മാതൃകാ പൂച്ചെടി തൈ നടീലും ഗുണഭോക്താക്കൾക്കുള്ള തൈ വിതരണവും നടന്നു. വരും ദിവസങ്ങളിൽ പഞ്ചായത്തിലെ വിവിധ വാർഡുകളിലേക്ക് പൂകൃഷി വ്യാപിപ്പിക്കാനാണ് കൃഷി വകുപ്പ് ലക്ഷ്യമിടുന്നത്.
