കോഴിക്കോട് : നരിക്കുനിയില്‍ രണ്ടര വയസുകാരന്‍ മരിച്ചത് ഭക്ഷ്യവിഷബാധയാലെന്ന് സംശയം. കുട്ടിയുടെ അമ്മയെയും ആശുപത്രിയില്‍ പ്രവേശിപ്പിച്ചു. കുട്ടി വിവാഹസദ്യ കഴിക്കാന്‍ പോയ വീട്ടില്‍ ആരോഗ്യവകുപ്പ് പരിശോധന നടത്തുന്നു. വീരമ്പ്രം ചങ്ങളംകണ്ടി അക്ബറിന്റെ മകന്‍ മുഹമ്മദ് യാമിനാണ് ഭക്ഷ്യവിഷബാധയെ തുടര്‍ന്ന് ഇന്നലെ മരണപ്പെട്ടത്. വിവാഹ വീട്ടില്‍ നിന്ന് കഴിച്ച ഭക്ഷണ സാധനത്തില്‍ നിന്നായിരുന്നു ഭക്ഷ്യ വിഷബാധയേറ്റത്. മറ്റു കുട്ടികളും ആശുപത്രിയില്‍ ചികിത്സയിലാണ്. ഭക്ഷണം വിതരണം ചെയ്ത കടകള്‍ അധികൃതര്‍ അടപ്പിച്ചിരുന്നു.
