റാന്നി : മല്ലപ്പള്ളി , കോയിപ്പുറം,റാന്നി ബ്ലോക്കുകളുടെ നേതൃത്വത്തില് കുടുംബശ്രീ അംഗങ്ങൾക്കായി 20 ദിവസം നീണ്ടുനിൽക്കുന്ന ഫുഡ് പ്രോസസിംഗ് പരിശീലനപരിപാടി പഴവങ്ങാടി കര സർവീസ് സഹകരണ ബാങ്ക് ഓഡിറ്റോറിയത്തിൽ ആരംഭിച്ചു. പഴവങ്ങാടി ഗ്രാമപഞ്ചായത്ത് പ്രസിഡന്റ് അനിത അനിൽകുമാർ ഉദ്ഘാടനം ചെയ്തു.
അസിസ്റ്റന്റ് ജില്ലാ മിഷൻ കോ- ഓർഡിനേറ്റർ എല്. ഷീല അധ്യക്ഷത വഹിച്ചു. ജില്ലാ പ്രോഗ്രാം മാനേജർ എലിസബത്ത്, ബ്ലോക്ക് കോ-ഓർഡിനേറ്റർ ജിജിന എന്നിവർ പ്രസംഗിച്ചു. അതിഥി ദേവോഭവ ഇൻസ്റ്റിറ്റ്യൂട്ട് ഓഫ് ഫുഡ് റിസർച്ച് ആൻഡ് ഹോസ്പിറ്റാലിറ്റി മാനേജ്മെന്റും, കുടുംബശ്രീ ജില്ലാ മിഷനും ചേർന്നാണ് പരിശീലനം സംഘടിപ്പിക്കുന്നത്.
