റാന്നി : കോഴഞ്ചരി-ബ്ലോക്കുപടി റോഡിലെ ആയിക്കൽ തിരുവാഭരണ പാതയോടു ചേർന്ന് അപകടകെണിയായി നിന്ന കൂറ്റന് മരങ്ങൾ മുറിച്ചു നീക്കി. പന്തളത്ത് ചേർന്ന ശബരിമല അവലോകന യോഗത്തിലെ തീരുമാനത്തിൻ്റെ അടിസ്ഥാനത്തിലാണ് നടപടി. ഇവിടെ പ്രളയത്തിനു ശേഷം മാസങ്ങളായി തിട്ടലിടിഞ്ഞ് മരങ്ങൾ ഏത് നിമിഷവും താഴെ വീണ് അപകടം ഉണ്ടാവുന്ന അവസ്ഥയിൽ ആയിരുന്നു. അഗ്നിശമന സേനയുടെ റാന്നി യൂണിറ്റ്, റാന്നി പോലീസ് എന്നിവരുടെ നേതൃത്വത്തിലാണ് മരങ്ങൾ നീക്കിയത്.
