മലപ്പുറം : ഭക്ഷണം തൊണ്ടയില് കുടുങ്ങി മലപ്പുറത്ത് ഒന്നര വയസുകാരന് ദാരുണാന്ത്യം. ചെറുതുരുത്തിയില് വാടകയ്ക്ക് താമസിക്കുന്ന മലപ്പുറം വെള്ളയൂര് വീട്ടില് വിജേഷിന്റെ മകന് വിദേവ് ചന്ദ്രനാണ് മരിച്ചത്. ഭക്ഷണം കൊടുക്കുമ്പോള് കുട്ടിക്ക് ചുമയുണ്ടായതാണ് മരണത്തിന് കാരണമായത്. ചുമച്ചതോടെ ഭക്ഷണം തൊണ്ടയില് കുടുങ്ങുകയായിരുന്നു. ആദ്യം അടുത്തുള്ള ചെറിയ ആശുപത്രിയിലും പിന്നീട് വിദഗ്ധ ചികിത്സയ്ക്കായി മറ്റൊരു ആശുപത്രിയിലേക്ക് കൊണ്ടുപോകാനും തുടങ്ങവെയാണ് കുട്ടി മരിച്ചതെന്നാണ് ലഭിക്കുന്ന വിവരം. കൂടുതല് വിവരങ്ങള് ലഭ്യമായിട്ടില്ല.
