റാന്നി : “ഫുഡ്ബോളാണ് ലഹരി” എന്ന സന്ദേശമുയർത്തിക്കൊണ്ട് റാന്നി ഗ്രാമപഞ്ചായത്തും റാന്നി എം.എസ്. ഹയർ സെക്കണ്ടറി സ്കൂളും സംയുക്തമായി നാളെ റാന്നിയിൽ ബഹുജന റാലി സംഘടിപ്പിക്കുന്നു. ലഹരിവിരുദ്ധ ക്യാമ്പയിനായ ‘ഓപ്പറേഷൻ തൂഫാൻ’, ലോകകപ്പ് ഫുട്ബോൾ ആവേശം എന്നിവയുടെ സാരാംശങ്ങൾ ഉൾക്കൊണ്ടാണ് റാലി വിഭാവനം ചെയ്തിരിക്കുന്നത്. രാവിലെ 9.30-ന് പെരുമ്പുഴ ബസ് സ്റ്റാൻഡിൽ നിന്നും ആരംഭിക്കുന്ന റാലി എം.എസ്. സ്കൂൾ ഗ്രൗണ്ടിൽ സമാപിക്കും. ലഹരി എന്ന വിപത്തിനെതിരെ കായികരംഗത്തിന്റെ കരുത്തും ഫുട്ബോളിനോടുള്ള കൗമാരത്തിന്റെ ആവേശവും ഉയർത്തിക്കാട്ടുകയാണ് റാലിയുടെ ലക്ഷ്യം. വിവിധ സാമൂഹിക-വിദ്യാഭ്യാസ സംഘടനകളുടെ വൻപങ്കാളിത്തം റാലിയിൽ ഉണ്ടാകും. സ്കൂളിലെ എസ്.പി.സി, എൻ.എസ്.എസ്, ലിറ്റിൽ കൈറ്റ്സ്, സ്കൗട്ട് ആൻഡ് ഗൈഡ്സ് എന്നീ വിഭാഗങ്ങൾക്കൊപ്പം പ്രദേശത്തെ ഹരിതകർമ്മസേന, കുടുംബശ്രീ പ്രവർത്തകരും റാലിയിൽ അണിനിരക്കും.നാടിന്റെ നന്മയ്ക്കായി സംഘടിപ്പിക്കുന്ന ഈ ലഹരിവിരുദ്ധ കായിക റാലിയിൽ മുഴുവൻ ജനങ്ങളും പങ്കാളികളാകണമെന്ന് സംഘാടക സമിതി അഭ്യർത്ഥിച്ചു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
