കൊല്ക്കത്ത: ബോളിവുഡ് ഗായകൻ കെകെയുടെ അസ്വാഭാവിക മരണത്തില് കേസെടുത്ത് പോലീസ്. കൊൽക്കത്തയിലെ ഒരു സംഗീത പരിപാടിക്ക് പോകുകയായിരുന്ന ഇദ്ദേഹം യാത്രാമധ്യേ ഗ്രാൻഡ് ഹോട്ടലിൽ കുഴഞ്ഞുവീഴുകയായിരുന്നു. ഉടന്തന്നെ സമീപത്തുള്ള സ്വകാര്യ ആശുപത്രിയിൽ എത്തിച്ചെങ്കിലും മരണത്തിന് കീഴടങ്ങുകയായിരുന്നു. കെ.കെയുടെ തലയിലും മുഖത്തും മുറിവേറ്റ പാടുകളുണ്ടെന്നാണ് റിപ്പോർട്ട്. മരണകാരണം കണ്ടെത്താൻ ബുധനാഴ്ച എസ്.എസ്.കെ.എം ആശുപത്രിയിൽ പോസ്റ്റ്മോർട്ടം നടത്തും. കൊൽക്കത്തയിൽ നടക്കുന്ന പരിപാടിയുടെ സംഘാടകരുടെയും ഹോട്ടൽ ജീവനക്കാരുടെയും മൊഴി പോലീസ് ഇന്ന് രേഖപ്പെടുത്തും.
ബോളിവുഡ് ഹിറ്റുകളിലൂടെ പ്രേക്ഷകരുടെ ഹൃദയം കീഴടക്കിയ മലയാളി ഗായകനാണ് കെ.കെ എന്ന കൃഷ്ണകുമാർ കുന്നത്ത് (53). കൊൽക്കത്തയിൽ പരിപാടി അവതരിപ്പിക്കാൻ പോകുകയായിരുന്ന അദ്ദേഹം താമസിച്ചിരുന്ന ഹോട്ടലിന്റെ ഗോവണിപ്പടിയിൽ നിന്ന് വീഴുകയായിരുന്നു. സംഗീത ലോകത്ത് കെ.കെ എന്നറിയപ്പെടുന്ന അദ്ദേഹം വിവിധ ഭാഷകളിൽ നിരവധി ഗാനങ്ങൾ ആലപിച്ചിട്ടുണ്ട്. ഉടൻ തന്നെ കൊൽക്കത്തയിലെ സിഎംആർഐ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.