ന്യൂഡല്ഹി : തുടര്ച്ചയായി മൂന്നാം ദിവസവും രാജ്യത്ത് പ്രതിദിന കോവിഡ് കേസുകള് 20,000ത്തിന് മുകളില് റിപ്പോര്ട്ട് ചെയ്തു. 20,044 പേർക്കാണ് കഴിഞ്ഞ 24 മണിക്കൂറിനിടെ രാജ്യത്ത് കോവിഡ് സ്ഥിരീകരിച്ചത്. കൂടാതെ കോവിഡ് മരണസംഖ്യയിലും നിലവിൽ വർധന ഉണ്ടാകുകയാണ്. കഴിഞ്ഞ 24 മണിക്കൂറിൽ മാത്രം രാജ്യത്ത് 56 പേർ കോവിഡിനെ തുടർന്ന് മരിച്ചു.
നിലവിൽ രാജ്യത്ത് കോവിഡിനെ തുടർന്ന് മരിച്ചവരുടെ എണ്ണം 5,25,660 ആയി ഉയർന്നു. ആരോഗ്യ പ്രതിരോധ മന്ത്രാലയത്തിന്റെ കണക്കുകൾ പ്രകാരം രാജ്യത്ത് കഴിഞ്ഞ 24 മണിക്കൂറിൽ 18,301 ആളുകൾ കോവിഡ് മുക്തി നേടിയിട്ടുണ്ട്.
