ദുബൈ: ലോകത്തിലെ കോടീശ്വരന്മാരുടെ പട്ടിക ഫോബ്സ് മാഗസില് പുറത്തിറക്കി. 2,640 സമ്പന്നരെ ഉള്പ്പെടുത്തിക്കൊണ്ടുള്ള പട്ടികയില് 211 ബില്യണ് ഡോളര് ആസ്തിയുമായി ലൂയി വിറ്റന്, സെഫോറ ഫാഷന് ആഡംബര ബ്രാന്ഡുകളുടെ ഉടമ ബെര്ണാഡ് അര്നോള്ഡാണ് ഒന്നാമത്. ടെസ്ല, സ്പേസ് എക്സ്, സഹസ്ഥാപകനായ ഇലോണ് മസ്ക് (180 ബില്യണ്), ആമസോണ് സ്ഥാപകന് ജെഫ് ബെസോസ് (114 ബില്യണ്) എന്നിവരാണ് രണ്ടും മൂന്നും സ്ഥാനങ്ങളില്. ലോകത്തെ ഏറ്റവും വലിയ കോടീശ്വരന്മാരുടെ പട്ടികയില് ആകെ 9 മലയാളികളാണുള്ളത്. ലുലു ഗ്രൂപ്പ് ഇന്റര്നാഷണല് ചെയര്മാന് എം.എ യൂസഫലിയാണ് ഏറ്റവും സമ്പന്നനായ ലോക മലയാളി.
ലോകശതകോടീശ്വരന്മാരുടെ പട്ടികയില് 497 ആം സ്ഥാനത്താണ് യൂസഫലി. 5.3 ബില്യണ് ഡോളറാണ് അദ്ദേഹത്തിന്റെ ആസ്തി. ഇന്ഫോസിസ് സഹ സ്ഥാപകന് ക്രിസ് ഗോപാലകൃഷ്ണന് (3.2 ബില്യണ്), ആര്പി ഗ്രൂപ്പ് സ്ഥാപകന് രവി പിള്ള (3.2 ബില്യണ്), ജെംസ് എഡ്യൂക്കേഷന് മേധാവി സണ്ണി വര്ക്കി (3 ബില്യണ്), ജോയ് ആലുക്കാസ് ഗ്രൂപ്പ് ഉടമ ജോയ് ആലുക്കാസ് (2.8 ബില്യണ്), ബുര്ജീല് ഹോള്ഡിങ്സ് സ്ഥാപകനും ചെയര്മാനുമായ ഡോ. ഷംഷീര് വയലില്, ബൈജൂസ് സ്ഥാപകന് ബൈജു രവീന്ദ്രന് എന്നിവരാണ് സമ്പന്നരായ മലയാളികളില് ആദ്യസ്ഥാനങ്ങളില്.
