കണ്ണൂർ : അഴീക്കൽ തുറമുഖത്തിന് സ്ഥിരം ഇന്റർനാഷണൽ ഷിപ്പ് ആൻഡ് പോർട്ട് ഫെസിലിറ്റി സെക്യൂരിറ്റി (ഐ.എസ്.പി.എസ്.) കോഡ് ലഭിച്ചു. വിദേശ കപ്പലുകൾ അടുക്കുന്നതിനും തുറമുഖങ്ങൾക്കുള്ള സുരക്ഷ ഉറപ്പാക്കുന്നതിനുമുള്ളതാണ് ഐ.എസ്.പി.എസ്. സ്ഥിരം സെക്യൂരിറ്റി കോഡ്. കേന്ദ്രതുറമുഖമന്ത്രാലയമാണ് അനുമതി നൽകിയത്.
നേരത്തേ വിദേശത്തുനിന്നുൾപ്പെടെ ചരക്ക് കൊണ്ടുവരുന്നതിന് പ്രത്യേക അനുമതിവേണമായിരുന്നു. അഴീക്കൽ തുറമുഖത്ത് വരുന്ന ചരക്ക് കൊച്ചിയിൽ വന്ന് അനുമതി വാങ്ങിയശേഷമാണ് കൊണ്ടുവന്നിരുന്നത്.
