റാന്നി : വൈദ്യുതി തൂണ് കാട് മൂടിയിട്ടും വെട്ടി നന്നാക്കുന്നില്ലെന്ന് പരാതി. മന്ദിരം-കുത്തുകല്ലുങ്കല് പടി തിരുവാഭരണ പാതയിലെ 11കെ.വി വൈദ്യുതീ ലൈനിലാണ് കാടും പടലും വളര്ന്ന് തൂണുവഴി ലൈനിലെത്തിയിരിക്കുന്നത്. ഇവിടെ ചെറിയ മഴയില് പോലും വെള്ളം കയറുന്ന സ്ഥലമാണ്.
ഇലക്ട്രിക് പോസ്റ്റില് മുള്ചെടികള് പടര്ന്ന് പന്തലിച്ച് കിടക്കുകയാണ്. പോസ്റ്റില് കയറാനോ അറ്റകുറ്റപ്പണികള് നടത്താനോ സാധിക്കാത്ത വിധം കാട് മൂടിയിരിക്കുകയാണ്.
അടിക്കടി ടച്ചിംങ് വെട്ടി വൈദ്യുതി തടസം ഒഴിവാക്കാന് ശ്രമിക്കുന്ന വകുപ്പ് അധികൃതര് ഇത് കണ്ടില്ലെന്നു നടിക്കുകയാണ്. ദുരന്തം ഉണ്ടാകുവാന് അധികൃതര് കാത്തിരിക്കുകയാണോയെന്നാണ് നാട്ടുകാരുടെ ചോദ്യം. എത്രയും വേഗം വൈദ്യുതി പോസ്റ്റിലെ മുള്ക്കാടുകള് വെട്ടിമാറ്റി ഉപയോഗ പ്രദമാക്കണമെന്നാണ് നാട്ടുകാരുടെ ആവശ്യം.