മാനന്തവാടി : ഫുട്ബോള് കളി കണ്ടതിന് ശേഷം വീട്ടിലേക്ക് പോയ വൃദ്ധനെ തോട്ടില് മരിച്ച നിലയില് കണ്ടെത്തി. പുല്പ്പാറ വീട്ടില് പി.എം ജോര്ജ്ജ് (64) ആണ് മരിച്ചത്. ഇല്ലത്തു മൂലയിലെ മിലാന ക്ലബ്ബില് ഫുട്ബോള് കളി കണ്ട് രാത്രി വൈകി വീട്ടിലേക്ക് മടങ്ങിയ ജോര്ജ്ജിനെ ഇന്നലെ പുലര്ച്ചെയാണ് മരിച്ച നിലയില് കണ്ടെത്തിയത്. വീട്ടിലേക്കുള്ള വഴിയില് കൈത്തോടിന് മുകളിലായി സ്ഥാപിച്ച ചെറിയ മരപ്പാലത്തില് നിന്നും കാല് തെറ്റി താഴെ വീണാണ് മരിച്ചതെന്നാണ് പ്രാഥമിക നിഗമനം. വീഴ്ചയില് തോട്ടിലെ കല്ലില് തലയടിച്ച് മുറിവേറ്റ നിലയിലാണ് മൃതദേഹം.
