ബേപ്പൂര് : ബേപ്പൂരില്നിന്ന് മത്സ്യബന്ധനത്തിനു പോയ ‘ചെറാട്ടല്’ ബോട്ടില്നിന്ന് കടലില് തെറിച്ചുവീണ് കാണാതായ മത്സ്യത്തൊഴിലാളിയുടെ മൃതദേഹം കണ്ടെത്തി. കോഴിക്കോട് രാമനാട്ടുകര സ്വദേശി സിദ്ദീഖിെന്റ (57) മൃതശരീരം, തിങ്കളാഴ്ച വൈകീട്ട് പൊന്നാനി ഭാഗത്തെ കടലില്നിന്ന് തിരച്ചിലിനിടെ കണ്ടെത്തുകയായിരുന്നു.
ഈ മാസം എട്ടിന് ബേപ്പൂരില്നിന്ന് മീന്പിടിത്തത്തിനു പോയ ബോട്ട്, കഴിഞ്ഞ തിങ്കളാഴ്ച വൈകീട്ട് നാലു മണിയോടെ എറണാകുളം മുനമ്പം ഭാഗത്ത് ട്രോളിങ് നടത്തവേ മറ്റൊരു ബോട്ടിെന്റ വല കൊളുത്തിയാണ് അപകടമുണ്ടായത്. കാണാതായ മത്സ്യത്തൊഴിലാളിക്കുവേണ്ടി തിരച്ചില് ഊര്ജിതപ്പെടുത്തണമെന്ന് ആവശ്യപ്പെട്ട് ബേപ്പൂര് മത്സ്യബന്ധന തുറമുഖ ആക്ഷന് കമ്മിറ്റി ചെയര്മാന് കരിച്ചാലി പ്രേമെന്റ നേതൃത്വത്തില് ടൂറിസം-തദ്ദേശസ്വയംഭരണ മന്ത്രി പി.എ മുഹമ്മദ് റിയാസിന് നിവേദനം സമര്പ്പിച്ചിരുന്നു.
തുടര്ന്ന് തിങ്കളാഴ്ച രാവിലെ പൊന്നാനി ഹാര്ബറിലെ 15 ബോട്ടുകള്ക്ക് സര്ക്കാര് ചെലവില് ഇന്ധനം നല്കിയതിനെത്തുടര്ന്ന് തിരച്ചില് ഊര്ജിതമാക്കി. പൊന്നാനിയിലെ സജാദ്, കോയ എന്നിവരുടെ നേതൃത്വത്തില് തിരച്ചില് നടത്തിയ ‘ബീവി’ എന്ന ബോട്ടുകാര്ക്കാണ് മൃതദേഹം ലഭിച്ചത്. കോസ്റ്റല് പോലീസ് ഇന്ക്വസ്റ്റ് നടത്തി പൊന്നാനി താലൂക്ക് ആശുപത്രിയില് പോസ്റ്റ്മോര്ട്ടത്തിനുശേഷം ബേപ്പൂരില് എത്തിച്ച് ഖബറടക്കും.ഭാര്യ : സക്കീന. മക്കള് : നംഷീദ്, നസീഫ്, നിയാസ്, നാസിയ.