വടകരയിൽ വീട്ടുമുറ്റത്ത് നിർത്തിയിട്ട ഓട്ടോറിക്ഷയുടെ ചില്ല് തകർത്തു

വടകര : വീട്ടുമുറ്റത്ത് നിർത്തിയിട്ട ഓട്ടോറിക്ഷയുടെ ചില്ല് തകർത്തു. കീഴലിലെ തുണ്ടിയിൽ രാജന്റെ ഓട്ടോറിക്ഷയുടെ ചില്ലാണ് തകർത്തത്. മകൻ തുണ്ടിയിൽ രഖിൽരാജിന്റെ വീട്ടുമുറ്റത്താണ് ഓട്ടോറിക്ഷ നിർത്തിയിട്ടത്. രാത്രിതന്നെ പോലീസിനെ വിവരമറിയിച്ചതുപ്രകാരം പോലീസ് സ്ഥലത്തെത്തി. വടകര പോലീസിൽ പരാതി നൽകി. സ്ഥലവുമായി ബന്ധപ്പെട്ട തർക്കത്തെത്തുടർന്നാണ് അക്രമമെന്ന് സംശയിക്കുന്നതായി പരാതിയിൽ ചൂണ്ടിക്കാട്ടി.