കണ്ണൂര് : ഗവ. പോളിടെക്നിക് കോളേജ് വിദ്യാര്ഥിയെ തുങ്ങി മരിച്ച നിലയില് കണ്ടെത്തി. അവസാന വര്ഷ ബിരുദ വിദ്യാര്ഥി അശ്വന്ത് ആണ് മരിച്ചത്. കോഴിക്കോട് നടുവണ്ണൂർ സ്വദേശിയാണ്. കോളേജ് ഹോസ്റ്റലിനു സമീപമുള്ള ഒഴിഞ്ഞ കെട്ടിടത്തിലാണ് വിദ്യാര്ഥിയെ തൂങ്ങി മരിച്ച നിലയില് കണ്ടെത്തിയത്. ഫൈനല് ഇയര് ഇലക്ട്രോണിക്സ് വിദ്യാര്ഥിയാണ്.
രാവിലെ അശ്വന്ത് ക്ലാസിൽ എത്താതിരുന്നതിനെ തുടര്ന്ന് സഹപാഠികള് നടത്തിയ അന്വേഷണത്തിലാണ് മൃതദേഹം കണ്ടെത്തിയത്. എടക്കാട് പോലീസ് സ്ഥലത്തെത്തി ഇന്ക്വസ്റ്റ് നടപടികള് പൂര്ത്തിയാക്കിയ ശേഷം മൃതദേഹം ജില്ലാ ആശുപത്രിയിലേക്ക് മാറ്റി. സംഭവത്തില് ദുരൂഹതയില്ലന്നും അശ്വന്തുമായി ബന്ധപ്പെട്ട് മറ്റ് പരാതികള് ഒന്നും ഉണ്ടായിട്ടില്ലന്നും പ്രിന്സിപ്പല് പറഞ്ഞു. വിശദമായ അന്വേഷണം നടത്തണമെന്ന് കെ.എസ്.യു ആവശ്യപ്പെട്ടു.
