ആലപ്പുഴ നഗരസഭാ കൌണ്‍സിലര്‍ ഷാനവാസിന്റെ മകന്‍ നദീം (11) വീടിന്റെ ടെറസില്‍ മരിച്ച നിലയില്‍

ആലപ്പുഴ: 11 വയസുകാരന്‍ വീടിന്റെ ടെറസില്‍ മരിച്ച നിലയില്‍. സിപിഎം ആലപ്പുഴ നോര്‍ത്ത് ഏരിയാ കമ്മറ്റിയംഗവും നഗരസഭ സ്റ്റാന്റിങ് കമ്മറ്റി അധ്യക്ഷനുമായ ഷാനവാസിന്റെ മകന്‍ നദീം ഷാനവാസിനെയാണ് മരിച്ച നിലയില്‍ കണ്ടെത്തിയത്. ടെറസിന് മുകളിലേയ്ക്ക് പോയ കുട്ടിയെ ഏറെനേരം കഴിഞ്ഞിട്ടും കാണാത്തതിനെ തുടര്‍ന്ന് നടത്തിയ തിരച്ചിലിലാണ് ടെറസില്‍ സ്ഥാപിച്ചിരുന്ന സോളാര്‍ പാനലിന് സമീപത്ത് മരിച്ച നിലയില്‍ കണ്ടെത്തിയത്. കുട്ടിയുടെ മൃതദേഹം മെഡിക്കല്‍ കോളേജ് ആശുപത്രി മോര്‍ച്ചറിയിലേയ്ക്ക് മാറ്റി.