കൊച്ചി : കുമ്പളം പഞ്ചായത് ഓഫിസ് വളപ്പില് യുവാവിനെ മരിച്ച നിലയില് കണ്ടെത്തി. മുഖത്ത് മര്ദനമേറ്റ് മുറിവുകളില് നിന്ന് ചോരയൊലിച്ചിട്ടുണ്ട്. കൊലപാതകമെന്നാണ് പോലീസ് സംശയിക്കുന്നത്. പഞ്ചായത് ഓഫീസ് പുതുക്കി പണിയുന്നതിന്റെ ജോലികള് നടക്കുന്നുണ്ട്. ഇതിന്റെ നിര്മ്മാണ സാമഗ്രികള്ക്ക് സമീപമാണ് മൃതദേഹം കണ്ടെത്തിയത്. പോലീസ് സ്ഥലത്തെത്തി പരിശോധന നടത്തി. വിദഗ്ധ പരിശോധനയ്ക്ക് ഫൊറന്സിക് ഉദ്യോഗസ്ഥര് എത്തുമെന്ന് പോലീസ് പറഞ്ഞു. സംഭവത്തില് പോലീസ് അന്വേഷണം ആരംഭിച്ചു.
