ഇരിക്കൂര് : ഇരിക്കൂര് നിടുവള്ളൂര് പുഴയില് യുവാവിന്റെ മൃതദേഹം കണ്ടെത്തി. എരുവേശ്ശി സ്വദേശിയും തലശ്ശേരി സര്ക്കാര് ആശുപത്രിയിലെ ജീവനക്കാരനുമായ തേജസിനെയാണ് പുഴയില് മുങ്ങി മരിച്ച നിലയില് കണ്ടെത്തിയത്. തേജസിനെ കാണാനില്ലെന്ന് ചൂണ്ടിക്കാട്ടി ബന്ധുക്കള് ഇരിക്കൂര് പോലീസില് പരാതി നല്കിയിരുന്നു. പുഴയില് മീന് പിടിക്കാന് പോയ പ്രദേശവാസിയാണ് മൃതദേഹം ആദ്യം കണ്ടത്. ഇരിക്കൂര് എസ്.ഐ ഷിജുവിന്റെ നേതൃത്വത്തിലുള്ള പോലീസ് സംഘം ഇന്ക്വസ്റ്റ് നടപടികള് പൂര്ത്തിയാക്കി. മൃതദേഹം പോസ്റ്റ്മോര്ട്ടത്തിനായി പരിയാരം മെഡിക്കല് കോളജിലേക്ക് മാറ്റി.
