കല്പ്പറ്റ : എഴുപത് അടിയോളം നീളമുള്ള വലിയ വീട്ടിമരം മുറിച്ചു കടത്താനുള്ള നാലംഗസംഘത്തിന്റെ ശ്രമം തടഞ്ഞ് നാട്ടുകാരും പോലീസും. മീനങ്ങാടി പോലീസ് സ്റ്റേഷന് പരിധിയിലാണ് സംഭവം. ലക്ഷങ്ങള് വിലമതിക്കുന്ന വീട്ടിമരം അനധികൃതമായി മുറിച്ച് കടത്താന് ശ്രമിച്ച പി കെ അസ്രത്ത് (46), ഇ പി റസാഖ് (39), റിജിനേഷ് (47), രാജേഷ് (42) എന്നിവരാണ് അറസ്റ്റിലായത്. മുട്ടില് നോര്ത്ത് വില്ലേജ് 644/62 ല് പെട്ട സ്ഥലത്ത് സര്ക്കാര് നോട്ടീഫൈ ചെയ്ത 70 അടിയോളം നീളമുള്ള വീട്ടിമരമാണ് ഇവര് മുറിച്ചു കടത്താന് ശ്രമിച്ചത്. സംശയം തോന്നിയ നാട്ടുകാര് സംഭവത്തില് ഇടപെടുകയും പോലീസിനെ അറിയിക്കുകയുമായിരുന്നു. തുടര്ന്ന് സ്ഥലം ഉടമയുടെ പരാതിയില് മീനങ്ങാടി പോലീസ് കേസ് രജിസ്റ്റര് ചെയ്തു. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
