റാന്നി : അങ്ങാടി ശ്രീധർമ്മശാസ്താ ക്ഷേത്രത്തിൽ തുടർച്ചയായി നടത്തിവരുന്ന നാലാം മാസത്തിലെ നവശക്തി അർച്ചനയും ഹോമവും നടത്തി. ഇന്നലെ രാവിലെ 8.30ന് ഗണപതി ഹോമത്തോടുകൂടി അര്ച്ചന ആരംഭിച്ചു. ക്ഷേത്ര നടയിൽ പ്രത്യേകം ഹോമ കുണ്ഡം തയ്യാറാക്കി ഭക്തരുടെ പേരും നാളും പറഞ്ഞ പൂജയും ഹോമവും ഭക്തർക്ക് സുകൃത ദർശനമായി. ശാസ്താവിന്റെ ഗാർഹസ്ഥ്യം (ശ്രീകാന്തമല ധർമ്മ ശാസ്ത്രാ) സങ്കൽപ്പിച്ച് പ്രതിരൂപമായി അച്ഛൻ, അമ്മ, മകൻ ഇവരെ ഇരുത്തി പൂജിച്ചു. അഖില ഭാരതീയ അയ്യപ്പ സേവാ സംഘം ദേശീയ ജനറൽ സെക്രട്ടറി അഡ്വ. ഡി വിജയകുമാർ ഭദ്രദീപം തെളിയിച്ചു.
ഭക്തർ ഭഗവാന് സമർപ്പിച്ച പിച്ചളയിൽ തീർത്ത പ്രഭയും മുഖവും അഖില ഭാരതീയ അയ്യപ്പ സേവാ സംഘം ദേശീയ സെക്രട്ടറി പ്രസാദ് കുഴിക്കാല തിരുനടയിൽ സമർപ്പിച്ചു. തുടര്ന്ന് പ്രഭയും മുഖവും ഭഗവാനു ചാർത്തി പൂജയും ശേഷം പ്രസാദ വിതരണവും നടത്തി. മേൽശാന്തി കൃഷ്ണ തീർഥ ജിതേന്ദ്രരൺസ്, സച്ചിൻ നമ്പൂതിരി, സന്ദീപ് നമ്പൂതിരി എന്നിവർ കർമികത്വം വഹിച്ചു. അയ്യപ്പൻ കഞ്ഞിയുടെ വിതരണ ഉദ്ഘാനവും വിതരണവും നടത്തി.
