കോട്ടയം: ബിഷപ്പ് ഫ്രാങ്കോ മുളയ്ക്കലിന്റെ ചിത്രം വെച്ച് കലണ്ടര് അച്ചടിച്ച് പുറത്തിറക്കിയ തൃശ്ശൂര് രൂപതയ്ക്കെതിരെ പ്രതിഷേധവുമായി വിശ്വാസികള്. ലൈംഗിക പീഡനക്കേസിലെ പ്രതിയായ ഫ്രാങ്കോയുടെ ചിത്രം അച്ചടിച്ച് 2021 വര്ഷത്തെ കലണ്ടറാണ് രൂപത പുറത്തിറക്കിയത്. എന്നാല്, പ്രതിഷധവുമായെത്തിയ വിശ്വാസികള് കോട്ടയം കുറുവിലങ്ങാട് പള്ളിക്കു മുന്നില് കലണ്ടര് കത്തിച്ചു. കേരള കത്തോലിക്കാ വിമോചന സമിതിയുടെ (കെ.സി.ആര്.എം) നേതൃത്വത്തിലാണ് കലണ്ടര് കത്തിച്ചത്. കൊല്ലത്തും രൂപതാ ആസ്ഥാനത്തിന് മുന്നില് വിശ്വാസികള് കലണ്ടര് കത്തിച്ച് പ്രതിഷേധിച്ചു. ചര്ച്ച് ആക്ട് ആക്ഷന് കൗണ്സിലിന്റെ നേതൃത്വത്തിലായിരുന്നു കൊല്ലത്തെ പ്രതിഷേധം .
ഫ്രാങ്കോ മുളയ്ക്കലിനെതിരെ 2018 ജൂണ് 26നാണ് കുറവിലങ്ങാട് നാടുകുന്ന് സെന്റ് ഫ്രാന്സിസ് മിഷന് ഹോമിലെ കന്യാസ്ത്രീ പരാതി നല്കിയത്. തുടര്ന്ന് സെപ്റ്റംബര് 21ന് ബിഷപ്പിനെ അറസ്റ്റു ചെയ്തു. 25 ദിവസത്തെ ജയില്വാസത്തിനു ശേഷം ഫ്രാങ്കോ ജാമ്യത്തിലിറങ്ങി. കുറുവിലങ്ങാട് മഠത്തില് വച്ച് 2014-16 കാലയളവില് ബിഷപ്പ് ലൈംഗികമായി പീഡിപ്പിച്ചെന്ന് 2018 ജൂണ് 27 നാണ് കന്യാസ്ത്രീ പരാതി നല്കിയത്.
ആയിരം പേജുള്ള കുറ്റപത്രത്തില് മൂന്ന് ബിഷപ്പുമാരും 11 വൈദികരും 24 കന്യാസ്ത്രീകളും ഉള്പ്പടെ 84 സാക്ഷികളുണ്ട്. ബലാത്സംഗം, അന്യായമായി തടവില് പാര്പ്പിക്കുക, അധികാരം ഉപയോഗിച്ച് സ്ത്രീയെ ലൈംഗികമായി പീഡിപ്പിക്കല് ഉള്പ്പടെ 6 വകുപ്പുകളാണ് ഫ്രാങ്കോ മുളയ്ക്കലിനെതിരെ ചുമത്തിയിരിക്കുന്നത്.
കേസില് നിന്ന് ഒഴിവാക്കണമെന്നാവശ്യപ്പെട്ട് ഫ്രാങ്കോ മുളയ്ക്കല് നല്കിയ ഹര്ജി നേരത്തെ സുപ്രീം കോടതി തള്ളിയിരുന്നു. പ്രതി പട്ടികയില് നിന്ന് ഒഴിവാക്കണമെന്ന ഫ്രാങ്കോ മുളക്കലിന്റെ ആവശ്യം നേരത്തെ ഹൈക്കോടതി തള്ളിയതിനെ തുടര്ന്നാണ് സുപ്രീം കോടതിയെ സമീപിച്ചത്.
