കോട്ടയം : ബിഷപ്പിനെ കുറ്റവിമുക്തനാക്കിയ വിധിക്കെതിരെ ഹൈക്കോടതിയില് അപ്പീല് നല്കാമെന്ന് നിയമോപദേശം. നിയമോപദേശം കോട്ടയം ജില്ലാ പോലീസ് മേധാവിക്ക് കൈമാറി. കേസിലെ സ്പെഷ്യല് പ്രോസിക്യൂട്ടര് ജിതേഷ് ബാബു ആണ് നിയമോപദേശം നല്കിയത്. കന്യാസ്ത്രീക്ക് വേണ്ടി അഭിഭാഷകന് ജോണ് എസ്.റാഫും അപ്പീല് നല്കും. ഇന്നലെയാണ് നിയമോപദേശം കോട്ടയം ജില്ലാ പൊലീസ് മേധാവിക്ക് സ്പെഷ്യല് പ്രോസിക്യൂട്ടര് സമര്പ്പിച്ചത്. 60 ദിവസമാണ് അപ്പീൽ നൽകുന്നതിനുള്ള കാലപരിധി. മൊഴിയിലെ പൊരുത്തക്കേടുകളുടെ പേരിലാണ് അതിജീവിതയുടെ വിശ്വാസ്യതയിൽ കോടതി സംശയം പ്രകടിപ്പിച്ചതെന്നാണ് പോലീസിന്റെ വിലയിരുത്തൽ. സാക്ഷിമൊഴിയുടെ വിശ്വാസ്യതയിലും കോടതി സംശയം പ്രകടിപ്പിച്ചത് ചെറിയ പൊരുത്തക്കേടുകളുടെ പേരിലാണ്.
