തിരുവല്ല : റോഡ് സുരക്ഷാ വാരാചരണത്തിന്റെ ഭാഗമായി മോട്ടോര്‍ വാഹന വകുപ്പിന്റെയും റോഡ് സുരക്ഷാ അതോറിറ്റിയുടെയും ആഭിമുഖ്യത്തില്‍ കോഴഞ്ചേരി മുത്തൂറ്റ് ഐ കെയര്‍ ആശുപത്രിയുടെയും തിരുവല്ല ഐ മൈക്രോ സര്‍ജറിയുമായി സഹകരിച്ച് പത്തനംതിട്ട നഗരസഭ ബസ് സ്റ്റാന്‍ഡില്‍ സൗജന്യ നേത്ര-രക്തപരിശോധന ക്യാമ്പുകള്‍ നടത്തി. ക്യാമ്പില്‍ 200 പേരുടെ നേത്ര പരിശോധനയും 205 പേരുടെ രക്തപരിശോധനയും നടത്തി. ഓട്ടോ ഡ്രൈവര്‍മാര്‍, ടാക്സി ഡ്രൈവര്‍മാര്‍, ബസ് ഡ്രൈവര്‍മാര്‍, ടിപ്പര്‍ ഡ്രൈവര്‍മാര്‍, മറ്റ് സ്വകാര്യ വാഹനങ്ങളുടെ ഡ്രൈവര്‍മാര്‍ തുടങ്ങിയവര്‍ ക്യാമ്പിന്റെ സേവനം പ്രയോജനപ്പെടുത്തി. 31-ാമത് റോഡ് സുരക്ഷാ വാരാചരണത്തിന്റെ ഭാഗമായാണ് ക്യാമ്പ് നടത്തിയത്.
