പത്തനംതിട്ട : സംസ്ഥാനത്തെ ഉത്പാദന ക്ഷമതയുള്ള മുഴുവൻ കന്നുകാലികൾക്കും ക്ഷീരകർഷകർക്കും സൗജന്യ നിരക്കിൽ ഇൻഷുറൻസ് പരീക്ഷ ലഭ്യമാക്കുന്ന തരത്തിൽ ഒരു പുതിയ ഇൻഷുറൻസ് പദ്ധതി ഗവൺമെൻറ് ആവിഷ്കരിച്ച് നടപ്പിലാക്കണമെന്ന് കേരള ലൈവ്സ്റ്റോക്ക് ഇൻസ്പെക്ടേഴ്സ് യൂണിയൻ പത്തനംതിട്ട കോഴഞ്ചേരി സംയുക്ത മേഖല സമ്മേളനം ആവശ്യപ്പെട്ടു. സംസ്ഥാന കമ്മിറ്റിയംഗം ഡാനിയേൽ കുട്ടി യോഗം ഉദ്ഘാടനം ചെയ്തു. അരവിന്ദാക്ഷൻ അധ്യക്ഷത വഹിച്ചു. കൃഷ്ണകുമാർ മേഖല റിപ്പോർട്ട് അവതരിപ്പിച്ചു. സംസ്ഥാന സെക്രട്ടറിയേറ്റ് അംഗം ആർ മനോജ് കുമാർ സംഘടനാ റിപ്പോർട്ട് അവതരിപ്പിച്ചു.
സംസ്ഥാന വനിതാ കമ്മറ്റി സെക്രട്ടറി ജയകുമാരി, വനിതാ കമ്മറ്റി അധ്യക്ഷ ജെ സിനി, ജില്ലാ സെക്രട്ടറി എ ഷാജഹാൻ, ജോയിൻ്റ് കൗൺസിൽ മേഖല പ്രസിഡൻറ് ഗ്രീഷ്മ എന്നിവർ സംസാരിച്ചു. പുതിയ ഭാരവാഹികളായി ജയകുമാരി (പ്രസിഡന്റ്), മുംതാസ്ഷാ (വൈസ് പ്രസിഡൻറ്), അരവിന്ദാക്ഷന് (സെക്രട്ടറി), കെ.ആര് ലേഖ (ജോയിൻ്റ് സെക്രട്ടറി), ആശാ ബീഗം (ട്രഷറര്) എന്നിവരെ തിരഞ്ഞെടുത്തു.
