പത്തനംതിട്ട : ശാരീരിക-മാനസിക വെല്ലുവിളികളെ കലയുടെ കരുത്തുകൊണ്ട് അതിജീവിക്കുകയാണ് തിരുവല്ല തോട്ടഭാഗം സ്വദേശിയായ അക്ഷയ്. ഡിജിറ്റൽ പെയിന്റിംഗിലും ഫോട്ടോഗ്രാഫിയിലും തന്റെതായ ഇടം കണ്ടെത്തിയ ഈ യുവാവ്, രാജ്യത്തിന്റെ പ്രധാനമന്ത്രി മുതൽ സംസ്ഥാനത്തെ പ്രമുഖ വ്യക്തിത്വങ്ങൾക്ക് വരെ സ്വന്തമായി ഡിജിറ്റൽ ചിത്രങ്ങൾ സമ്മാനിച്ചാണ് ശ്രദ്ധേയനാകുന്നത്. പ്രധാനമന്ത്രി നരേന്ദ്ര മോദിയുടെ തെരഞ്ഞെടുപ്പ് പ്രചാരണ വേദിയിൽ വെച്ച് അക്ഷയ് ചെയ്ത ഡിജിറ്റൽ പെയിന്റിംഗ് അദ്ദേഹത്തിന് കൈമാറാൻ സാധിച്ചത് അക്ഷയുടെ ജീവിതത്തിലെ വലിയൊരു നേട്ടമായി മാറി.
അക്ഷയ് നൽകിയ ചിത്രം ശ്രദ്ധയിൽപ്പെട്ട പ്രധാനമന്ത്രി, അത് സുരക്ഷാ ഉദ്യോഗസ്ഥരെക്കൊണ്ട് വാങ്ങിക്കുകയും പിന്നീട് ഡൽഹിയിൽ നിന്ന് അക്ഷയുടെ വിലാസത്തിലേക്ക് നേരിട്ട് അഭിനന്ദനക്കത്ത് അയക്കുകയും ചെയ്തിരുന്നു. മുഖ്യമന്ത്രി വി.ഡി.സതീശനും പ്രതിപക്ഷ നേതാവ് പിണറായി വിജയനും അക്ഷയ് ഡിജിറ്റൽ ചിത്രം സമ്മാനിക്കുകയും അഭിനന്ദനങ്ങൾ ഏറ്റുവാങ്ങുകയും ചെയ്തിട്ടുണ്ട്.
