ന്യൂഡല്ഹി : രാജ്യത്ത് പെട്രോള് – ഡീസല് വില വെള്ളിയാഴ്ചയും വര്ധിപ്പിച്ചു. പെട്രോള് ലിറ്ററിന് 31 ൈപസയും ഡീസലിന് 28 പൈസയുമാണ് വര്ധിപ്പിച്ചത്. ഇതോടെ മുംബൈ നഗരത്തിലെ പെട്രോള് വില ലിറ്ററിന് 102.04 രൂപയായി. ഡീസലിന് 94.15രൂപയും. ഡല്ഹിയില് പെട്രോള് ലിറ്ററിന് 95.85 രൂപയാണ്. ഡീസലിന് 86.75 രൂപയും. തിരുവനന്തപുരത്ത് 97.85 രൂപയാണ് പെട്രോള് വില. ഡീസലിന് 93.19 രൂപയും. കൊച്ചിയില് പെട്രോളിന് 95.96രൂപയും ഡീസലിന് 91.43 രൂപയുമാണ് ഇന്നത്തെ വില. ജൂണ് മാസത്തില് ആറാം തവണയാണ് പെട്രോള് -ഡീസല് വില വര്ധിപ്പിക്കുന്നത്.
കുത്തനെയുള്ള ഇന്ധനവില വര്ധനവില് പ്രതിഷേധിച്ച് കോണ്ഗ്രസ് പ്രതീകാത്മക പ്രതിഷേധ സമരം സംഘടിപ്പിക്കും. പെട്രോള് വില നൂറുകടന്നതിനെ തുടര്ന്നാണ് സമരം. കോവിഡ് മാനദണ്ഡങ്ങള് പാലിച്ച് പ്രദേശിക തലത്തില് പെട്രോള് പമ്പുകള്ക്ക് മുമ്പിലാകും സമരമെന്ന് പാര്ട്ടി ജനറല് സെക്രട്ടറി കെ.സി. വേണുഗോപാല് പറഞ്ഞു. പെട്രോള്, ഡീസല്, പാചക വാതക വിലവര്ധിച്ചതോടെയുള്ള പ്രശ്നങ്ങള് ഉയര്ത്തിക്കൊണ്ടുവരികയാണ് ലക്ഷ്യം. യു.പി.എ ഭരണകൂടവുമായി താരതമ്യം ചെയ്യുമ്പോള് എന്.ഡി.എ സര്ക്കാര് പെട്രോളിന്റെ എക്സൈസ് നികുതി 23.87ശതമാനവും ഡീസലിന്റെത് 28.37 ശതമാനവും വര്ധിപ്പിച്ചുവെന്നും അദ്ദേഹം പറഞ്ഞു.
