കോട്ടാങ്ങല് : മകര മാസ രാവിൽ കരക്കാരിൽ ആവേശം വിതറി കുളത്തൂർ കരയുടെ ഗണപതി കോലം ഇന്ന് രാത്രി പതിനൊന്നരയോടെ തുള്ളി ഒഴിയും. രാത്രി 11 നു ആരംഭിക്കുന്ന പടയണി ചടങ്ങുകൾ 1 മണിയോടെ അവസാനിക്കും. നാളെ കോട്ടാങ്ങൽ കരക്കാരുടെ ഗണപതി കോലം കളത്തിൽ എത്തും. മത്സര ബുദ്ധിയോടെ ഉള്ള പടയണി അവതരണം ആണ് കോട്ടാങ്ങൽ പടയണിയുടെ മികവ് വർദ്ധിപ്പിക്കുന്നത്.
ഗണപതി കോലം കളത്തിലേക്ക് ചുവടുകൾ ചവിട്ടി തുള്ളി ഉറഞ്ഞു എഴുന്നള്ളുന്നത് കാണികളിൽ ആവാച്യമായ അനുഭൂതി സൃഷ്ടിക്കുന്നു. ഗണപതി കോലത്തിനു ഉള്ള “കാപ്പൊലി ” കരക്കാരിൽ ഭക്തി പരവശത സൃഷ്ടിക്കുന്നു. കരക്കാർ ഇരു വശത്തു നിരന്നു നിന്ന് ചൂട്ടു കറ്റകൾ ഉയർത്തി ആർപ്പു വിളികളോടെ കോലത്തെ വരവേറ്റു കളത്തിലേക്ക് കൊണ്ട് വരുന്നതിനാണു കാപ്പൊലി എന്ന് പറയുന്നത്. വിനോദം ഉൾപ്പെടുത്തിയിട്ട് ഉള്ള അവതരണം ആണ് ഗണപതി കോലത്തിന്റെ പ്രേത്യേകത.
