പന്തളം : ഇന്ത്യൻ നാഷണൽ കോൺഗ്രസ് പന്തളം മണ്ഡലം കമ്മിറ്റിയുടെ നേതൃത്വത്തിൽ മഹാത്മാഗാന്ധി ജന്മദിനവും കെപിസിസിയുടെ നിർദ്ദേശപ്രകാരം ഫലസ്തീൻ ഐക്യദാർഢ്യ ദിനവും ആചരിച്ചു. കോൺഗ്രസ് പന്തളം മണ്ഡലം പ്രസിഡൻറ് എസ് ഷെരീഫിന്റെ അധ്യക്ഷതയിൽ ഡിസിസി ജനറൽ സെക്രട്ടറി അഡ്വ. ഡി എൻ തൃദീപ് അനുസ്മരണ സമ്മേളനം ഉദ്ഘാടനം ചെയ്തു. മഹാത്മാ ഗാന്ധിയുടെ ജന്മദിനമായ ഒക്ടോബർ 2 അഹിംസ ദിനമായി ഐക്യരാഷ്ട്രസഭ ആചരിക്കുന്നതിൻറെ പശ്ചാത്തലത്തിൽ ഫലസ്തീൻ ഐക്യദാർഢ്യ സമ്മേളനവും നടത്തി.
കോൺഗ്രസ് നേതാക്കളായ മഞ്ജു വിശ്വനാഥ്, എ നൗഷാദ് റാവുത്തർ, കെഎം ജലീൽ, ആർ മോഹൻ കുമാർ, കെ ആർ വിജയകുമാർ, പി എസ് വേണു കുമാരൻ നായർ, പന്തളം വാഹിദ്, ജി അനിൽകുമാർ, ഇ എസ് നുജുമുദീൻ, കെ എൻ രാജൻ, പി കെ രാജൻ, പരിയാരത്ത് ഗോപിനാഥൻ നായർ, രത്നമണി സുരേന്ദ്രൻ, ആർ സുരേഷ് കുമാർ, സിയാവുദ്ദീൻ, കോശി കെ മാത്യു, മജീദ് കോട്ടവീട്, ബൈജു മുകടിയിൽ, കെ എൻ സുരേന്ദ്രൻ, വിനോദ് മുകടിയിൽ തുടങ്ങിയവർ പ്രസംഗിച്ചു.
