പത്തനംതിട്ട : ജില്ലാ കോണ്ഗ്രസ് കമ്മിറ്റി നേതൃസമ്മേളനം നാളെ (ഒക്ടോബര് 3 വെള്ളിയാഴ്ച) ഉച്ചകഴിഞ്ഞ് 3 മണിക്ക് പത്തനംതിട്ട രാജീവ് ഭവന് ഓഡിറ്റോറിയത്തില് നടക്കുമെന്ന് ഡി.സി.സി സംഘടനാകാര്യ ജനറല് സെക്രട്ടറി സാമുവല് കിഴക്കുപുറം പറഞ്ഞു. ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പിലിന്റെ അദ്ധ്യക്ഷതയില് ചേരുന്ന നേതൃസമ്മേളനം കെ.പി.സി.സി വര്ക്കിംഗ് പ്രസിഡന്റ് പി.സി. വിഷ്ണുനാഥ് എം.എല്.എ ഉദ്ഘാടനം ചെയ്യും. കെ.പി.സി.സി രാഷ്ട്രീയകാര്യ സമിതി അംഗങ്ങള്, ജനറല് സെക്രട്ടറിമാര്, മറ്റ് നേതാക്കള് എന്നിവര് പ്രസംഗിക്കും.
ജില്ലയിലെ മുതിര്ന്ന നേതാക്കള്, കെ.പി.സി.സി അംഗങ്ങള്, ഡി.സി.സി ഭാരവാഹികള്, ഡി.സി.സി അംഗങ്ങള്, ബ്ലോക്ക്, മണ്ഡലം പ്രസിഡന്റുമാര്, പോഷക സംഘടനകളുടെ സംസ്ഥാന ഭാരവാഹികള്, ജില്ലാ പ്രസിഡന്റുമാര്, തദ്ദേശസ്വയംഭരണ സ്ഥാപന അദ്ധ്യക്ഷന്മാര്, പാര്ലമെന്ററി പാര്ട്ടി നേതാക്കള്, സഹകരണസംഘം പ്രസിഡന്റുമാര്, പ്രധാന നേതാക്കള് എന്നിവര് പങ്കെടുക്കുമെന്ന് ഡി.സി.സി ജനറല് സെക്രട്ടറി അറിയിച്ചു.
