വ്യാജ ഫേസ്ബുക്ക് അക്കൗണ്ട് വഴി പണം തട്ടുന്ന സംഘങ്ങൾ കോന്നിയിൽ വ്യാപകം

കോന്നി : വ്യാജ ഫേസ്ബുക്ക്‌ അക്കൗണ്ടുകൾ വഴി പണം തട്ടുന്ന സംഘങ്ങൾ കോന്നിയിൽ വ്യാപകമാകുന്നു. കോന്നിയിലെ വ്യാപരികളുടേത് അടക്കം നിരവധി ആളുകളുടെ ഫേസ് ബുക്ക്‌ അക്കൗണ്ട് വ്യാജമായി നിർമിച്ചാണ് സംഘം പണം തട്ടുന്നത്. ഫേസ് ബുക്ക്‌ മെസൻജർ വഴി സന്ദേശം അയച്ച് പണം ചോദിക്കുന്ന രീതിയും വീഡിയോകോൾ ചെയ്ത് നഗ്നത പ്രദർശനം നടത്തിയ ശേഷം ഫേസ് ബുക്ക്‌ അക്കൗണ്ട് ഉടമയുടെ ചിത്രം കൂടി ഇതിനോടൊപ്പം ചേർത്ത് തിരികെ അയച്ച് ഭീഷണി പെടുത്തിയും പണം തട്ടുന്നുണ്ട്. എന്നാൽ ഇത്തരം സംഘങ്ങളുടെ ഉറവിടവും പലപ്പോഴും വ്യക്തമാകില്ല. കോന്നിയിൽ മുൻപും ഇത്തരം തട്ടിപ്പുകൾ നടന്നിട്ടുണ്ട്. ഒരാളുടെ അക്കൗണ്ടിൽ കയറി അയാളുടെ സുഹൃത്തുക്കൾക്ക്‌ സന്ദേശം അയക്കുന്നതാണ് ഇവരുടെ രീതി. സത്യാവസ്ഥ അറിയാതെ കോന്നിയിൽ പലയിടത്തും ഇത്തരം ചതി കുഴികളിൽ പെട്ടുപോയവരും ഏറെയാണ്.