ഡല്ഹി: ബി.എസ്.പി എം.എല്.എയായ രാജു പാലിന്റെ കൊലപാതകത്തിന്റെ പ്രധാന സാക്ഷി ഉമേഷ് പാലിനെ തട്ടിക്കൊണ്ടുപോയ കേസില് മുന് എസ്.പി നേതാവ് ആതിഖ് അഹമ്മദിന് ജീവപര്യന്തം ശിക്ഷ. ഗുജറാത്തിലെ സബര്മതി സെന്ട്രല് ജയിലില് നിന്ന് 1,200 കിലോമീറ്റര് ദൂരം അതീവ സുരക്ഷയില് സഞ്ചരിച്ചാണ് അഹമ്മദിനെ തിങ്കളാഴ്ച നഗരത്തിലെ നൈനി ജയിലില് എത്തിച്ചത്. കേസില് ആതിഖും മറ്റു രണ്ടുപേരും കുറ്റക്കാരനാണെന്ന് കണ്ടെത്തിയ പ്രയാഗ് രാജ് കോടതി മൂവര്ക്കും ജീവപര്യന്തം ശിക്ഷ വിധിക്കുകയായിരുന്നു. 2005ല് ബി.എസ്.പി എം.എല്.എ രാജു പാല് കൊല്ലപ്പെട്ടിരുന്നു.
ഫെബ്രുവരി 24നാണ് ഉമേഷ് പാല് കൊല്ലപ്പെട്ടു. പ്രയാഗ് രാജിലെ വസതിക്ക് സമീപം അദ്ദേഹത്തിന് വെടിയേല്ക്കുകയായിരുന്നു. ആതിഖ് അഹമ്മദ് സബര്മതി ജയില്വെച്ചാണ് കൊലപാതകത്തിന്റെ ആസൂത്രണം നടത്തിയതെന്നാണ് യു.പി പോലീസ് പറയുന്നത്. ആതിഖ് അഹമ്മദ് ഉമേഷ് പാല് വധക്കേസ് ഉള്പ്പെടെ നൂറിലധികം ക്രിമിനല് കേസുകളില് പ്രതിയാണെന്ന് പോലീസ് പറഞ്ഞു. അതിനിടെ, കൊള്ളപ്പലിശ കേസില് ക്ലീന് ചിറ്റ് ആവശ്യപ്പെട്ട് അഹമ്മദും മകന് ഉമറും നല്കിയ ഹര്ജി ലഖ്നൗവിലെ സിബിഐ കോടതി തള്ളി.
