റാന്നി : പഴവങ്ങാടി ഗ്രാമ പഞ്ചായത്തിന്‍റെ ഉടമസ്ഥതയിലുള്ള ഇട്ടിയപ്പാറ ബസ് സ്റ്റാന്‍ഡിന് സമീപം പ്ലാസ്റ്റിക് അടക്കമുള്ള മാലിന്യങ്ങള്‍ കൂട്ടിയിട്ട് കത്തിക്കുന്നു. ഇതിന്‍റെ ദുര്‍ഗന്ധവും വിഷ പുകയും ടൗണിലെത്തുന്ന ജനങ്ങള്‍ ശ്വസിക്കേണ്ട അവസ്ഥയാണ്. ഇട്ടിയപ്പാറ ടൗണിലെ വ്യാപാര സ്ഥാപനങ്ങളില്‍ നിന്നും ഹരിതകര്‍മ്മ സേന ശേഖരിക്കുന്ന മാലിന്യങ്ങള്‍ എം.സി.എഫില്‍ സൂക്ഷിച്ച ശേഷം തരം തിരിച്ചാണ് മാറ്റുന്നത്. വേര്‍ തിരിച്ച മാലിന്യങ്ങളിലെ പ്ലാസ്റ്റിക്ക് അടക്കമുള്ളവയാണ് ഇത്തരത്തില്‍ കൂട്ടിയിട്ട് കത്തിക്കുന്നത്. മാലിന്യം പൊതുസ്ഥലത്ത് വലിച്ചെറിയുകയും കത്തിക്കുകയും ചെയ്യുന്നവര്‍ക്കെതിരെ പഞ്ചായത്ത് നടപടി എടുക്കാറുണ്ട്. അമ്പത് രൂപ മാലിന്യം ശേഖരിക്കാന്‍ എത്തുന്നവര്‍ക്ക് യൂസര്‍ഫീ കൊടുത്തില്ലെങ്കില്‍ റവന്യൂ റിക്കവറി വരെയാണ് നടപടി. ഈ നിയമം പഞ്ചായത്തിന് ബാധകമല്ലേയെന്നാണ് നാട്ടുകാരുടെ ചോദ്യം. നിലവില്‍ പണം അടക്കുകയും മാലിന്യം നല്‍കുകയും ചെയ്യുന്ന വ്യാപാരികള്‍ വിഷ പുക ശ്വസിക്കുക കൂടിയാണ്. ജൈവ അജൈവ മാലിന്യങ്ങള്‍ വേര്‍ തിരിക്കുമെന്നു പറയുന്നത് പ്രവൃത്തിയില്‍ വരുത്തുന്നില്ലെന്നാണ് ആക്ഷേപം.
കേരളത്തിലെ ഒരു മുന്‍നിര ഓണ്‍ലൈന്‍ വാര്‍ത്താ ചാനലാണ്‌ പത്തനംതിട്ട മീഡിയാ. ജില്ലയിലെ പ്രാദേശിക വാര്‍ത്തകള്‍ക്ക് മുന്‍തൂക്കം നല്‍കിക്കൊണ്ടാണ് പത്തനംതിട്ട മീഡിയാ മുമ്പോട്ടു പോകുന്നത്. തികച്ചും സൌജന്യമായാണ് ഈ വാര്‍ത്തകള്‍ നിങ്ങള്‍ക്ക് ലഭിക്കുന്നത്. രാവിലെ 4 മണി മുതല്‍ രാത്രി 12 മണിവരെ തടസ്സമില്ലാതെ എല്ലാ വാര്‍ത്തകളും ഉടനടി നിങ്ങള്‍ക്ക് ലഭിക്കും. ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പത്തനംതിട്ട ജില്ലയിലെ ഏക ഓണ്‍ലൈന്‍ ചാനലാണ്‌ പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. അതോടൊപ്പം നിങ്ങളുടെ നാട്ടില്‍ നടക്കുന്ന വാര്‍ത്താ പ്രാധാന്യമുള്ള വിഷയങ്ങള്‍ ഞങ്ങള്‍ക്ക് നേരിട്ട് റിപ്പോര്‍ട്ട് ചെയ്യുകയുമാകാം.
———————-
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263
mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 /
mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
