കോഴിക്കോട് : ബാലുശ്ശേരി ബസ് സ്റ്റാന്ഡില് ഗ്യാസ് സിലിണ്ടര് പൊട്ടിത്തെറിച്ചു. ഉന്തുവണ്ടിയില് കടലക്കച്ചവടം നടത്തുന്നതിനായി ഉപയോഗിക്കുന്ന ഗ്യാസ് സിലിണ്ടറാണ് വൈകീട്ട് പൊട്ടിത്തെറിച്ചത്. ബാലുശ്ശേരി പോലീസിന്റെ നേതൃത്വത്തില് സ്റ്റാന്ഡിലെ ചുമട്ട് തൊഴിലാളികളും ഓട്ടോ ഡ്രൈവര്മാരും ചേര്ന്ന് തീയണച്ചു. ഗ്യാസ് സിലിണ്ടര് സുരക്ഷിത സ്ഥാനത്തേക്ക് മാറ്റി അപകടം ഒഴിവാക്കി.
ഗ്യാസ് ലീക്കായതോടെ സ്റ്റാന്ഡില് ഉണ്ടായിരുന്ന ജനങ്ങള് പരിഭ്രാന്തരായി പല വഴികളിലേയ്ക്ക് ഓടി മാറുകയായിരുന്നു. അതിനാല് ആളപായം ഒന്നും തന്നെ ഉണ്ടായിട്ടില്ല. വിവരം അറിഞ്ഞ് അഗ്നിശമന സേനയെത്തി സ്റ്റാന്ഡും പരിസരപ്രദേശങ്ങളും വെള്ളമടിച്ച് കഴുകി വാതകത്തിന്റെ സാന്നിദ്ധ്യം ഒഴിവാക്കി. ഗ്യാസ് ഡിക്ടറ്റര് ഉപയോഗിച്ച് പരിശോധന നടത്തുകയും ചെയ്തു. ഇതിനു ശേഷമാണ് ജനങ്ങളെയും ബസ്സുകളെ മറ്റും സ്റ്റാന്ഡിലേയ്ക്കു കടത്തി വിട്ടത്.
