മൂവാറ്റുപുഴ : ഗ്യാസ് സിലിണ്ടര് പൊട്ടിത്തെറിച്ച് വീട് കത്തിനശിച്ചു. വാളകം ആവുണ്ടയില് ഗ്യാസ് സിലിണ്ടര് പൊട്ടിത്തെറിച്ച് വീട് കത്തിനശിച്ചത്. വയോധികരടക്കം ഓടിരക്ഷപ്പെട്ടതിനാല് ദുരന്തം ഒഴിവായി. കുന്നയ്ക്കാല് ആവുണ്ട തറവട്ടത്തില് ഏലിയാസിന്റെ വീടാണ് കത്തിനശിച്ചത്. വയോധികരായ മാതാപിതാക്കളും ഭാര്യയും രണ്ടു മക്കളും വീടിനു പുറത്തേക്ക് ഓടി രക്ഷപ്പെട്ടു. അടുക്കളയില് ഉണങ്ങാന് തൂക്കിയിട്ടിരുന്ന റബര് ഷീറ്റിനു തീപിടിച്ച് താഴെ വീണ് ഗ്യാസ് സിലിണ്ടറിലേക്ക് തീപടര്ന്ന് പൊട്ടിത്തെറിക്കുകയായിരുന്നു. മേല്ക്കൂര പൂര്ണമായി കത്തിനശിച്ചു. അടുക്കളുടെയും സമീപത്തെ മുറികളുടെയും ഭിത്തികളും തകര്ന്നു. ഗൃഹോപകരണങ്ങളും കത്തിനശിച്ചു. മൂവാറ്റുപുഴയില്നിന്ന് മൂന്ന് അഗ്നിരക്ഷാസേന യൂണിറ്റ്എത്തിയാണ് തീയണച്ചത്.
