കോന്നി : കേന്ദ്ര തൊഴിൽ നയങ്ങൾക്ക് എതിരെ സംയുക്ത ട്രെഡ് യൂണിയന്റെ നേതൃത്വത്തിൽ നടത്തിയ പൊതു പണി മുടക്കിന്റെ ഭാഗമായി കലഞ്ഞൂർ, കൂടൽ ടൗണുകളിൽ പന്തം കൊളുത്തി പ്രകടനവും യോഗവും നടത്തി. എ ഐ ടി യു സി കോന്നി മണ്ഡലം സെക്രട്ടറി എ കെ ദേവരാജൻ കൂടലിൽ ഉദ്ഘാടനം ചെയ്തു. ഓട്ടോ തൊഴിലാളി യൂണിയൻ സി ഐ ടി യു ജില്ലാ കമ്മിറ്റി അംഗം കൂടൽ ഷാജി അധ്യക്ഷനായി.
സുനിൽകുമാർ, രാജാനുണ്ണിത്താൻ, രാമകൃഷ്ണൻ, ബിജു എന്നിവർ സംസാരിച്ചു. കലഞ്ഞൂർ സി ഐ ടി യു പഞ്ചായത്ത് സെക്രട്ടറി എസ് രാജേഷ് ഉദ്ഘാടനം ചെയ്തു. എ ഐ ടി യു സി സംസ്ഥാന കമ്മിറ്റി അംഗം ഇളമണ്ണൂർ രവി അധ്യക്ഷത വഹിച്ചു. ഇ എസ് ഇസ്മായിൽ, സി കെ അശോകൻ, ധർമ്മരാജൻ, ഹരീഷ് മുകുന്ദ്, സിറാജ് എന്നിവർ സംസാരിച്ചു.
