കോഴിക്കോട് : സമൂഹമാധ്യമത്തിലൂടെ പ്രണയത്തിലായ തമിഴ്നാട്ടിലുള്ള കാമുകന്റെ അടുത്തെത്താന് സഹായം ചോദിച്ച പതിമൂന്നുകാരിയെ യാത്രയ്ക്കിടെ പീഡിപ്പിച്ച മൂന്നു യുവാക്കള് അറസ്റ്റില്. മണാശ്ശേരി സ്വദേശി മിഥുന് രാജ് (24), മലയമ്മ സ്വദേശി അഖിത്ത് രാജ് (23), മുക്കം കുറ്റിപ്പാല സ്വദേശി ജോബിന് (23), തമിഴ്നാട്ടിലെ കൃഷ്ണഗിരി ജില്ലയിലെ കാമരാജ്നഗര് സ്വദേശി ധരണി (22) എന്നിവരാണു പിടിയിലായത്.
സംഭവത്തെ കുറിച്ച് പോലീസ് പറയുന്നത് ഇങ്ങനെ:
പെണ്കുട്ടി സമൂഹമാധ്യമങ്ങള് വഴിയാണ് തമിഴ്നാട് സ്വദേശി ധരണിയുമായി പ്രണയത്തിലായത്. ഇതിനിടെ മണാശ്ശേരിയിലെ ആശുപത്രിയില് വെച്ചാണു മിഥുന്രാജിനെ പരിചയപ്പെട്ടത്. ധരണിയുടെ അടുത്തെത്താന് മിഥുന് രാജിന്റെ സഹായം തേടി. ഇതുപ്രകാരം ഈ മാസം രണ്ടിനു മിഥുന്രാജ് രണ്ടു സുഹൃത്തുക്കള്ക്കൊപ്പം കാറുമായെത്തി പെണ്കുട്ടിയെ കൊണ്ടു പോയി. മണാശ്ശേരിയിലെ മെഡിക്കല് കോളജിന്റെ പാര്ക്കിങ് ഗ്രൗണ്ടില് വാഹനം നിര്ത്തി മിഥുന്രാജ് പെണ്കുട്ടിയെ പീഡിപ്പിച്ച ശേഷം, ഹൊസൂരിലെ ബസ് സ്റ്റാന്ഡിലെത്തിച്ചശേഷം അവിടെ നിന്നും മുങ്ങുകയായിരുന്നു.