കോഴിക്കോട് : കരിപ്പൂരിൽ വീണ്ടും സ്വർണവേട്ട. രണ്ട് യാത്രക്കാരിൽ നിന്നായി നാല് കിലോ സ്വർണമാണ് പിടികൂടിയത്. മലപ്പുറം പാണ്ടിക്കാട് സ്വദേശി ഷെരീഫ്, തവനൂർ സ്വദേശി ഷിഹാബ് എന്നിവരാണ് സ്വർണം കടത്താൻ ശ്രമിച്ചത്. യാത്രക്കാർ ഉപയോഗിക്കുന്ന ട്രോളി ബാഗിന്റെ ഹാൻഡിൽ കട്ടിയുള്ള പൈപ്പിൽ സ്വർണ്ണം രഹസ്യമായി ഒളിപ്പിച്ചുവെച്ച് കടത്താൻ ശ്രമിക്കുന്നതിനിടയിലാണ് ഇവർ പിടിയിലായത്.
ഡെപ്യൂട്ടി കമ്മീഷണർ കിരൺ ടിഎയുടെ നേതൃത്വത്തിൽ സൂപ്രണ്ടുമാരായ സബീഷ് സി പി ,സന്തോഷ് ജോൺ , എം ഉമാദേവി ഇൻസ്പെക്ടർമാരായ വീരേന്ദ്ര പ്രതാപ് ചൗധരി, ദിനേശ് മിർദ, റഹീസ് എൻ, ചേതൻ ഗുപ്ത ,അർജുൻ കൃഷ്ണ ,പ്രിയ കെ കെ, പോരുഷ് റോയൽ, ഹെഡ് ഹവിൽദാർമാർ ജമാലുദ്ദീൻ ,വിശ്വരാജ് എന്നിവരാണ് സ്വര്ണം പിടികൂടിയ സംഘത്തിലുണ്ടായിരുന്നത്.
