കൊച്ചി : സംസ്ഥാനത്ത് സ്വര്ണ വിലയില് ഇടിവ് തുടരുന്നു. 200 രൂപ കുറഞ്ഞ് ഇന്ന് ഒരു പവന് സ്വര്ണത്തിന്റെ വില 37,320 രൂപയായി. ഗ്രാമിന് 25 രൂപയാണ് കുറഞ്ഞത്. 4665 രൂപയാണ് ഒരു ഗ്രാം സ്വര്ണത്തിന്റെ വില. ഈ മാസത്തിന്റെ തുടക്കത്തില് 37,200 രൂപയായിരുന്നു ഒരു പവന് സ്വര്ണത്തിന്റെ വില. ആറിന് 38,280 രൂപയായി ഉയര്ന്ന് ഈ മാസത്തെ ഏറ്റവും ഉയര്ന്ന നിലവാരത്തിലെത്തി. പീന്നീടുള്ള ദിവസങ്ങളില് വില താഴുന്നതാണ് ദൃശ്യമായത്. മൂന്ന് ദിവസത്തിനിടെ ഏകദേശം ആയിരം രൂപയോളമാണ് താഴ്ന്നത്. കഴിഞ്ഞ ദിവസം മാത്രം 560 രൂപയാണ് ഇടിഞ്ഞത്.
