കൊച്ചി: സംസ്ഥാനത്ത് സ്വര്ണ വില കുറഞ്ഞു. ഗ്രാമിന് 50 രൂപ കുറഞ്ഞ് 5480 രൂപയായി. എട്ടു ഗ്രാം സ്വര്ണത്തിന് 43,840 രൂപയാണ് വില.ശനിയാഴ്ച ഒരു പവന് സ്വര്ണത്തിന് 1200 രൂപ വര്ധിച്ച് സര്വകാല റെക്കോഡായ 44,240 രൂപയിലെത്തിയിരുന്നു. കഴിഞ്ഞ രണ്ട് ദിവസങ്ങളായി ഒരു പവന് സ്വര്ണത്തിന് 44,240 രൂപയായിരുന്നു വില. സംസ്ഥാനത്തെ ഇതുവരെയുള്ള ഏറ്റവും ഉയര്ന്ന വിലയായിരുന്നു ഇത്. യുസ് ബാങ്ക് തകര്ച്ച സുരക്ഷിത നിക്ഷേപം എന്ന നിലയില് കൂടുതല് നിക്ഷേപകരെ ആകര്ഷിച്ചതാണ് കുത്തനെ സ്വര്ണ വില ഉയര്ത്തിയത്. മാര്ച്ച് ഒന്നിന് 41,280 രൂപയായിരുന്നു വില.
2022 ഫെബ്രുവരി രണ്ടിന് സ്വര്ണ വില പവന് 42,880 രൂപയില് എത്തിയിരുന്നു. ഇതായിരുന്നു കഴിഞ്ഞ വര്ഷത്തെ ഏറ്റവും ഉയര്ന്ന നിരക്ക്. മാര്ച്ച് ഒന്നിന് ഒരു പവന് സ്വര്ണത്തിന് 41,280 രൂപയായിരുന്നു വില. മാര്ച്ച് നാല് മുതല് ആറ് വരെ പവന് 41,480 രൂപയായിരുന്നു വില. പിന്നീട് വില ഇടിഞ്ഞു. മാര്ച്ച് ഒന്പതിന് ഒരു പവന് സ്വര്ണത്തിന് 40720 രൂപയായിരുന്നു സ്വര്ണ വില. ഗ്രാമിന് 5,090 രൂപയുമായിരുന്നു. അതേസമയം ഫെബ്രുവരിയില് സ്വര്ണ വില കുറഞ്ഞിരുന്നു. കഴിഞ്ഞ മാസം പവന് 1040 രൂപയാണ് കുറഞ്ഞത്.
