തിരുവനന്തപുരം : സംസ്ഥാനത്ത് സ്വര്ണവില വര്ദ്ധിച്ചു. ഇന്ന് വ്യാപാരം ആരംഭിച്ചയുടന് ഒരു പവന് സ്വര്ണത്തിന് 280 രൂപ വര്ദ്ധിച്ച് 38000 രൂപയായി. ഓഗസ്റ്റ് മാസത്തിലെ ഏറ്റവും ഉയര്ന്ന നിരക്കിലാണ് ഇന്നത്തെ സ്വര്ണവില. ഗ്രാമിന് 35 രൂപ വര്ദ്ധിച്ച് 4750 രൂപയുമാണ്. സ്വര്ണവില കഴിഞ്ഞ ദിവസം കുറഞ്ഞിരുന്നു. പവന് 160 രൂപയും ഗ്രാമിന് 20 രൂപയുമാണ് ബുധനാഴ്ച കുറഞ്ഞത്. ഒരു പവന് 37,880 രൂപയും ഗ്രാമിന് 4735 രൂപയുമായിരുന്നു ചൊവ്വാഴ്ച വില. പവന് 200 രൂപയും ഗ്രാമിന് 25 രൂപയുമായിരുന്നു ചൊവ്വാഴ്ച കൂടിയത്.
ഓഗസ്റ്റ് ഒന്നിന് ഈ മാസത്തെ ഏറ്റവും കുറഞ്ഞ നിരക്കിലായിരുന്നു സ്വര്ണവില. 37,680 രൂപയായിരുന്നു ഓഗസ്റ്റ് ഒന്നിന് ഒരു പവന്റെ വില. ഗ്രാമിന് 4710 രൂപയും. ജൂലൈ മാസത്തില് അഞ്ചാം തീയതിയായിരുന്നു ഏറ്റവും ഉയര്ന്ന നിരക്കില് സ്വര്ണവിലയുണ്ടായിരുന്നത്. അന്ന് പവന് 38,480 രൂപയായിരുന്നു. ആ മാസം 21നാണ് ഏറ്റവും കുറഞ്ഞ നിരക്ക് രേഖപ്പെടുത്തിയത്, പവന് 36,800 രൂപ. എന്നാല് അതിനുശേഷം സ്വര്ണവില ഉയരുന്നതാണ് കണ്ടത്. രണ്ടാഴ്ചയ്ക്കിടെ ആയിരം രൂപയാണ് കൂടിയത്. സ്വര്ണത്തിന്റെ ഇറക്കുമതി തീരുവയില് കേന്ദ്ര സര്ക്കാര് 5 ശതമാനം വര്ധനവ് വരുത്തിയിരുന്നു. നിലവില് 7.5 ശതമാനമായിരുന്ന സ്വര്ണ്ണത്തിന്റെ ഇറക്കുമതി തീരുവ 12.5 ശതമാനമായാണ് ഉയര്ത്തിയിരിക്കുന്നത്.
