ലക്നൗ : ഉത്തര്പ്രദേശില് വ്യോമ സേന ഹെലികോപ്റ്റര് അടിയന്തിരമായി താഴെയിറക്കി. ചീറ്റ ഹെലികോപ്റ്ററാണ് മുന്കരുതലെന്നോണം അടിയന്തിരമായി താഴെയിറക്കിയത്. അപായ സൂചന ലഭിച്ചതിന് പിന്നാലെയായിരുന്നു അടിയന്തിര നീക്കം. പ്രയാഗ്രാജ് ജില്ലയിലായിരുന്നു സംഭവം. പറന്നുയര്ന്ന് അല്പ്പ നേരത്തിന് ശേഷം ഹെലികോപ്റ്ററിലെ അപായ സൂചന നല്കുന്ന ലൈറ്റുകള് കത്താന് ആരംഭിക്കുകയായിരുന്നു. ഇത് ശ്രദ്ധയില്പ്പെട്ടതോടെ പൈലറ്റ് ഹെലികോപ്റ്റര് താഴെയിറക്കി. അഞ്ച് പേര്ക്ക് ഇരിക്കാവുന്ന ഹെലികോപ്റ്ററില് പൈലറ്റ് മാത്രമായിരുന്നു ഉണ്ടായിരുന്നത് എന്നാണ് വിവരം. വിശദമായ പരിശോധനകള്ക്ക് ശേഷം ഹെലികോപ്റ്റര് ലക്ഷ്യ സ്ഥാനത്തേക്ക് മടങ്ങി.
