കൊച്ചി: സ്വര്ണവിലയില് ഇടിവ്. 320 രൂപ കുറഞ്ഞ് ഒരു പവന് സ്വര്ണത്തിന്റെ വില 36,240 രൂപയായി. പവന് 36,560 രൂപ രേഖപ്പെടുത്തിയ ഈ മാസത്തെ ഏറ്റവും ഉയര്ന്ന നിലയില് എത്തിയ ശേഷമാണ് സ്വര്ണവില കുറഞ്ഞത്. ഗ്രാമിന് 40 രൂപയാണ് കുറഞ്ഞത്. 4530 രൂപയാണ് ഒരു ഗ്രാം സ്വര്ണത്തിന്റെ വില. ഈ മാസത്തിന്റെ തുടക്കത്തില് 35,560 രൂപയായിരുന്നു ഒരു പവന് സ്വര്ണത്തിന്റെ വില. രണ്ടാഴ്ച കൊണ്ട് പവന് ആയിരം രൂപ വര്ധിച്ച ശേഷമാണ് വില താഴ്ന്നത്. ആഗോള വിപണിയിലെ ചലനങ്ങളാണ് സ്വര്ണവിലയെ സ്വാധീനിക്കുന്നത്. ഡോളര് ശക്തിയാര്ജ്ജിക്കുന്നതും ഒമൈക്രോണ് ഭീതിയും ലോക സമ്പദ് വ്യവസ്ഥയെ സ്വാധീനിക്കുന്നുണ്ട്. ഇത് സ്വര്ണവിലയിലും പ്രതിഫലിക്കുന്നതായി വിദഗ്ധര് പറയുന്നു.
