കൊച്ചി : സംസ്ഥാനത്ത് തുടര്ച്ചയായ മൂന്നാം ദിവസവും സ്വര്ണവില കുറഞ്ഞു. പവന് 80 രൂപ കുറഞ്ഞ് 35,200 രൂപയായി. ഗ്രാമിന് 10 രൂപ താഴ്ന്ന് 4400 രൂപയുമായി. ഈ മാസത്തെ ഏറ്റവും കുറഞ്ഞ നിരക്കിലാണ് സ്വര്ണം ഇന്ന് വ്യാപാരം നടക്കുന്നത്. 35,280 രൂപയായിരുന്നു കഴിഞ്ഞ ദിവസം പവന്റെ വില. സെപ്റ്റംബര് 4, 5, 6 തീയതികളിലായിരുന്നു സ്വര്ണ വില ഈ മാസത്തെ ഏറ്റവും ഉയര്ന്ന നിരക്ക് രേഖപ്പെടുത്തിയത്. പവന് 35,600 രൂപയായിരുന്നു ഈ ദിവസങ്ങളിലെ സ്വര്ണവില. മൂന്നു ദിവസം മാറ്റമില്ലാതെ തുടര്ന്ന ശേഷം സംസ്ഥാനത്ത് ചൊവ്വാഴ്ച സ്വര്ണവില പവന് 80 രൂപ കുറഞ്ഞിരുന്നു.
ഓഗസ്റ്റ് ആദ്യം 36,000 രൂപയായിരുന്നു ഒരു പവന് സ്വര്ണത്തിന്റെ വില. പിന്നീട് ഒരു ഘട്ടത്തില് ഈ മാസത്തെ ഏറ്റവും താഴ്ന്ന നിലവാരമായ 34,680 രൂപയില് സ്വര്ണവില എത്തിയിരുന്നു. അതിന് ശേഷം തുടര്ച്ചയായ ദിവസങ്ങളില് വില വര്ദ്ധിക്കുകയായിരുന്നു. ചൊവ്വാഴ്ച പവന് 160 രൂപ വര്ദ്ധിച്ചിരുന്നു. രണ്ടാഴ്ചക്കിടെ 900 രൂപയോളമാണ് ഒരു പവന് സ്വര്ണത്തിന് സംസ്ഥാനത്ത് വര്ധിച്ചത്. മലയാള മാസം ചിങ്ങം ആയതിനാല് സംസ്ഥാനത്ത് വിവാഹ സീസണ് ആണ്. സ്വര്ണ വ്യാപാരം കൂടുന്ന സമയം കൂടിയാണിത്.
