കൊച്ചി : സ്വര്ണക്കടത്ത് കേസില് ഹവാല ഓപ്പറേറ്ററെ കൂടി കസ്റ്റംസ് പ്രതിചേര്ത്തു. മംഗലാപുരം സ്വദേശി രാജേന്ദ്ര പ്രകാശ് പവാറിനെയാണ് പ്രതിയാക്കിയത്. ശിവശങ്കര്, സരിത്ത്, സ്വപ്ന എന്നിവരെ കസ്റ്റഡിയില് ചോദ്യം ചെയ്തതിന്റെയും പുതിയ മൊഴികളുടേയും അടിസ്ഥാനത്തിലാണ് ഇയാളെ പ്രതിയാക്കി യിരിക്കുന്നത്. കസ്റ്റംസിന് നേരത്തെ, സ്വര്ണ കടത്ത് റാക്കറ്റിന് പിന്നാലെ പ്രധാന ഹവാലാ ഇടപാടുകാരില് ഒരാളാണ് രാജേന്ദ്ര പ്രകാശ് പവാറെന്ന് വിവരം ലഭിച്ചിരുന്നു.
ചോദ്യം ചെയ്യലിന് ഹാജരാവാന് ഇതിന്റെ അടിസ്ഥാനത്തില് പല തവണ നോട്ടീസ് നല്കിയിരുന്നുവെങ്കിലും ഒരു പ്രതികരണവും ഉണ്ടായിരുന്നില്ല. തുടര്ന്നാണ് ഇയാളെ പ്രതി ചേര്ത്തത്. ഇതോടെ കസ്റ്റംസ്, രാജേന്ദ്ര പ്രകാശ് പവാറിനെതിരെ അറസ്റ്റ് വാറണ്ട് പുറപ്പെടുവിക്കണമെന്നാവശ്യപ്പെട്ട് കോടതിയെ സമീപിച്ചു. ഇതിനിടെ എന്ഐഎ കോടതിയില് സ്വര്ണക്കടത്ത് കേസില് റബിന്സിനെ ജയിലില് ചോദ്യം ചെയ്യാന് കസ്റ്റംസ് ഹര്ജി നല്കി. റബിന്സ് കേസിലെ പത്താം പ്രതിയാണ്.
